¡ Grazas unha vez máis !
A todas as que acudísedes a apoiar esta muller, e compañeira, que está vivir a dobre violencia machista e do sistema. Grazas tamén as que sodes sensibles coa loita do colectivo stop-desafiuzamentos e nos vos puidestes acercar. Sabemos que estades aí e que si o precisamos podemos contar con vos. Estamos saturados de tanta concentración e de tanta protesta, pero esta loita ten que ser así, caso a caso, e hai momentos que nos vemos saturados.

Pouco a pouco seremos quen de facer visible o sufrimento de moitas persoas que por si solas non son quen de conseguilo e vense esmagadas pola burocracia do sistema, para darlles unha axuda que non chega nin a cubrir o máis básico, unha vivenda digna, alimento e auga, e retírallela o máis mínimo fallo, deixándoas sen piedade, a súa sorte, na rúa, mentres regala inxentes cantidades de diñeiro a banqueiros e políticos corruptos. Este sufrimento e consecuencia directa do espóleo que unha minoría exerce sobre os recursos públicos e conforma o que chamaremos violencia do sistema.

O escenario crítico non mudou e sigue sendo consecuencia dunha gran estafa da que aínda non hai responsábeis. A política, a ben feita, sempre chega tarde, xa se ocupa os que lles interesa de que sexa así. Polo tanto non queda outra que seguir loitando.

De momento esta compañeira >Vítima de violencia machista e con u fillo menor con dependencia de grao III< está o amparo do Colectivo Stop-Desafiuzamentos, concretamente a vivenda grazas a solidariedade de outra compañeira do colectivo. Mentres non recupere a RAI son ten de ingresos, cobra a día 10 de mes, 139€ e con isto dificilmente cobres a manutención básica de 2 persoas.

Seguiremos a espera de que as administracións, Concello de San Cibrao das Viñas e IGVS, neste caso as dúas tuteladas polo Partido Popular. Tomen algunha decisión urxente que de proporcione estabilidade vital ante a situación que vive.


¡ HAI QUE RESCATAR PERSOAS NON SO BANCOS !

¡ Grazas a todas sen o voso apoio non é posible !

Youtube:
https://www.youtube.com/watch?v=d2pPk-cX5zA&feature=youtu.be&app=desktop

¡ UBUNTU !https://es.wikipedia.org/wiki/Ubuntu_%28filosof%C3%ADa%29